قصيدة الشاعر محمد عليوي فيّاض المحمدي ،،،،،،،، شمّامة سامرّاء

قصيدة الشاعر محمد عليوي فيّاض المحمدي
شمّامة سامرّاء
يطيف الحور مر لو بالعمر مرّة
يكيصوم الفلا او شمّام سامره

يمزنة غيث للملهوف بالحرّة
تلطّف بالعشب حرّ الشّمس ورّه
لا تكطع وصل واتغيب بالمرّة
اشلون امن العشك والشّوك تتبرّه
مجتوف الكلب واحبالك اتجرّه
يل دربك زلك واجمالنه اتمرّه
يل رايي ابهواك اجفوفك اتفرّه
والكلب السكنته ابهجرك اتضرّه
غسيلك لا تظن من تزعل انشرّه
السّر ابّير مدفون ابطن جرّه
عليك احرص مثل من يمتلك درّه
دفنها ابكاع لفلفها ابسمل صرّه
ابمكان ابعيد محّد يكدر ايمرّه
لان انتي اصيله او غاليه او حرّة