( حـــــــــــلـــــــــــــــم )) بقلمى / عصام مدين

( حـــــــــــلـــــــــــــــم ))
بقلمى / عصام مدين
********************
ولمحت فى عنيكى الأمـــــــــــــــــــــــل
ولمحت الخوف م الجاى و أنا جنبك حبيب
وقريت كلام مكتوب فى أوراق الشجر
ســــــــــــــــــــاعة غــــــــــــــــــروب
وحفرت ع الرملة الشقية ابتسامة الانتظار
والبــــــــــــعد نـــــــــــــار
والغربة بتولد لهيب
ومنين نجيب الصبر ع الليل والسهر
وفى كل ليلة بينصهر فينا الفؤاد
وبينكسر فينا الدبيب
واتقطعوا يادى العروق الميتين
من فوق جبين الأمنيات
ولحد ماتعودى هنا قلبي غريب
دى شطوط سفينتي هدها طول البعاد
والموج عنيد وشراعي قاد المر فيه
وبكـــيت عـــلــــــــــــــيه
ومشيت بلاد و بلاد حزين
مديت إيديا بالشموع الدفيانين
هالقاكى فين ؟ والشوق دفين
والرياح السمر بتمر وتنوح ع الجبل
إيــه العـــمل ؟ فـــين الأمــل ؟
حتى الشموع صبحت ظلام
والضحكة تاهت فى انقسام
والتقيتنى لسه باحلم نلتقي بعد المغيب
مديت شعاع الشمس فى كهوف الظلام
ورسمت وشك ع الصبــــــــــــــــاح
ولقيت فى رسمك وسط مليون من زحام
ألف ميت مليون بـــــــــــــــــراح
شفت الحقيقة لما قربت بعنيا
وبايديا وبفؤادي واحساساتى
التقيتهم زيف ووهم ولون جراح
والتقيتك لسه بردو مش معايا
كنت باحلم ولا إيه هيا الحكاية
سبت كل الكون ورايـــــــــــا
وجــــــــــيتلك انتـــــــــــى
وقلت أصحابي وحبيبتي
وأدينى من عشرين سنه عمال بأدور
مرة هنا ومرة هـــــــــــــــنا
والحلم جوايا صديـــــــــق
يمكن فى أخر الرحلة نتقابل سوا
يمكن لقانا فى الدنيا يكون بعد الغروب
بســــــــــــــــمة و شـــــــــــروق
ويبقى الحبيب جوه أحضان الحبيب
**********************
بقلمى / عصام مدين