ما أگلك إرتاحيت يوم الرحت
سبعين مرة ومرة بعدك متت
عايش چذب وآثارك بجثتي
ينصاحلي ومابيه حيل التفت
تمطر. وأطلع إصورك من المطر
مثل التشوفه عيوني ثق ماشفت
دايني خلگ موادعك بلكي ارد
مثل اول اضحك للسمه وللنبت
ذاك ابو جناح اليشرب من الهوه
تيهته عگبك وانت بيه ماتهت
ياطير گتلك هالقفص مو سجن
ذميته وأنت اصلا اله مافتت
الليل هذا اليمر كاضيه سهر
انشد نجومه تگلك شگد نمت
كاضيه بس أفتح رسايل واشم
شچندوب أشيع ذكريات وازت
خسران راحة بال شربت عمر
وچي خاسرك مجبور أگولن فزت
أنطرح وطيوفك تمر عالجفن
وأفتح عيوني وبيه اشوفك فتت
ياحلم يقظة يشگگ بصفنتي
ردتك حقيقة وريتني ماردت
شربت خيالي الگاع واتفطرت
مو چن بشر چني بوگفتي نحت
وتمرني ريح وبيها ادورك نفس
وأبچيلها وتعتني وابقه آنه اعت
يا آخر حچاية بطرف شفتي
رد راحتي الراحت بيوم الرحت
سبعين مرة ومرة بعدك متت
عايش چذب وآثارك بجثتي
ينصاحلي ومابيه حيل التفت
تمطر. وأطلع إصورك من المطر
مثل التشوفه عيوني ثق ماشفت
دايني خلگ موادعك بلكي ارد
مثل اول اضحك للسمه وللنبت
ذاك ابو جناح اليشرب من الهوه
تيهته عگبك وانت بيه ماتهت
ياطير گتلك هالقفص مو سجن
ذميته وأنت اصلا اله مافتت
الليل هذا اليمر كاضيه سهر
انشد نجومه تگلك شگد نمت
كاضيه بس أفتح رسايل واشم
شچندوب أشيع ذكريات وازت
خسران راحة بال شربت عمر
وچي خاسرك مجبور أگولن فزت
أنطرح وطيوفك تمر عالجفن
وأفتح عيوني وبيه اشوفك فتت
ياحلم يقظة يشگگ بصفنتي
ردتك حقيقة وريتني ماردت
شربت خيالي الگاع واتفطرت
مو چن بشر چني بوگفتي نحت
وتمرني ريح وبيها ادورك نفس
وأبچيلها وتعتني وابقه آنه اعت
يا آخر حچاية بطرف شفتي
رد راحتي الراحت بيوم الرحت
ليست هناك تعليقات:
إرسال تعليق