جمعية الرفق بالإنسان ،،،الشاعر شحات خلف الله

جمعية الرفق بالإنسان
بقلم .شحات خلف الله كاتب ومحام
معقول جمعية الرفق بالإنسان .....

مجهولة المصدر بجوجل كمان ....
بحثت بالصدفة لقيت جمعية حقوق إنسان.....
وكان باب مغلق عليه العنكبوت واقف سجان.....
وطلع الإنسان محكوم عليه من زمان يعيش الإمتهان ....
الغريبه كان كريم على الخلائق بإمر من الرحمن فى القرآن ....
أصبح رخيص ومش لاقى كرامة حيوان ...
الدم والعرض والشرف فى زمان كان .....
العيب فى لبن صناعى إتباع فى دكان ...
وضرع جاله جفاف بسبب تربية حيوان ....
إسمعونى يا ساده يا كرام ....
من سنتين كنت فى حديقة الحيوان ....
لقيت القرد يضحك ويقول مكانك هنا يا فنان ....
جاى تتفرج وفاكر انك لسه إنسان .....
انت اللى مثلك راح فى خبر كان .....
بتقتل وتسرق وتظلم وفاكر نفسك كيان .....
ثمنك رخيص وما فيش حقوق إنسان .....
تعال هنا على الاقل فيه جمعية رفق بحيوان...
قلت له تصدق من حقك تضحك ويجيلك غثيان...
ما هو فعلا الرخيص مالهوش فى زمانا مكان ...
واللى ضيع كرامته يستاهل ضحك حيوان .....
وطلع الكلام حقيقى والضحك فى محله كمان ....
الاحسان والوفاء والأمان فى جمعية رفق بحيوان ....
مش حاجه اسمها حقوق إنسان ...
وجوجل دليلى ما هو احتار فى العنوان .....